Centinaie di corsi eranu adduniti in Ponte Novu st'ottu di maghju per cummemurà u sacrifiziu di i patriotti cascati l'arme in manu per a nazione . Merendella, sfilata di I Naziunali, libri, fiori, messa nustrale, sta ghjurnata di mimùria ferma una stonda d'unità di u nostru populu daretu à i so eroi.
I corsi ùn si scurdanu di a so storia. S'arricurdanu dinù di quelli ch'anu permessu a tramendera d'issa mimùria : u 3 d'agostu 1925, fù inaugurata "a Croce di u Ricordu" da l'attori di u primu riacquistu, Santu Casanova, Petru Rocca, u Partitu Corsu d'Azione è tant'altri. U populu corsu s'impatrunìa di a so storia è tandu, rinascìa a cuscenza naziunale.
Oghje più chè mai, tocca à noi tutti à fà campà l'Idea Corsa !
