Liberazione suciale, liberazione naziunale !


Una delegazione di LEIA NAZIUNALE era prisente stu 17 di marzu 2019 in Moriani à l'addunita di i cullettivi patriottichi di lotta suciale è i "curpetti ghjalli". Dopu quattru mesi di mubilisazione, sò ghjunti i primi risultati cuncreti annant'i prezzi di produtti di prima necessità. U prezzu di l'essenza sta oramai l'assu principale di a rivindicazione suciale. Tocca à tutti i corsi à esse participe d'issa mossa populare è patriottica !

A cummunicazione di LEIA NAZIUNALE :

Mentre chì e mosse di i "curpetti gialli" perdenu u so fiatu pianu pianu, Leia Naziunale chjama i corsi à s'impiegà indè i gruppi patriotti, (Citadini Corsi o altri) in primu locu perchè a liberazione suciale un po esse disghjunta di a liberazione culturale, è di siconda per un lascià a parola a una ghjente manc'appena legìttima per sprimassi nant'à a nostra terra...

Leia Naziunale hè statu u primu muvimentu patriottu à avè spiegatu a natura di u ladrucinu di u statu francese, a scruccuneria Macron. Un statu chì per noi ferma un statu culuniale. Hè ghjunta l'ora di fassi sente s'impieghendu indè e mosse permanente, per a dignità di u nostru populu.

Liberazione suciale, liberazione culturale, liberazione Naziunale !

Tutti à la mossa, quantu si po esse !