Curpetti gialli, arrubecciu fiscale, vita cara : Chjama à i Corsi !

Stu 24 di nuvembre, ghjornu di mubilisazione di i "curpetti gialli" in Francia è in Corsica, Leia Naziunale s'indirizza à u "guvernu " è à u populu corsu per ramintà i fundamenti di a causa corsa.

U muvimentu chì vene da Francia contra a cullata di u prezzu di l'essenza piglia in Corsica una forma chi s'assumiglia più à una rabbia di a culunisazione di populamentu contra a vita cara, ch'una lotta di liberazione Naziunale fatta da i corsi è per i corsi.

L'assenza di i naziunalisti lascia a piazza à una mansa di ghjunghjiticci chi s'impatruniscenu. Certi corsi so accantu à elli chì aspettanu a reazzione di i so eletti.

U curpettu ghjiallu hè una pinzuteria chì caccia u sìntimu Naziunale corsu. A rabbia corsa hè più prufonda che una putenza di cunsumà. A prima lotta di u nostru populu hè una lotta di liberazione Naziunale di pettu à u culunialisimu francese, micca solu contra a vita cara. In tantu che corsi, è in tantu che naziunalisti indipendentisti, ghjè qualcosa ch'un pudemu micca pate.

I corsi fieri chi anu sempre una cuscenza Naziunale un pudenu micca fallà in carrughju per piglià e pratese di i so diritti, manu ind'a manu cun quelli chi riprisentanu un perìculu demugraficu per u populu corsu stòricu.

U populu corsu simu noi è solu noi. Avemu una storia, avemu una cultura, avemu una lingua, è simu una sterpa. Un vulemu micca diventà una sucietà sradicata cume pè sse Francie. A cullata di e populazione straniere hè un perìculu, ma di sicuru simu aperti cun quelli chì sò entrati ind'e e nostre famiglie, è quelli chi volenu sparte u nostru destinu

Tandu i naziunalisti corsi un anu à sustene u muvimentu di i culpetti ghjalli, anu da lampà una chjama à i corsi azezi per fà un addunita è per purtà ancu più forte, oghje più che mai, a voce di a lotta di liberazione Naziunale corsa di pettu à u pudere chì ci stringhje i ferri.

Un populu unitu un sara mai vintu !

Evviva a sterpa corsa !

Evviva a nazione corsa !