In lì tempi inziani di u 14esimu seculu, in Carbini , allora Pieve d'Aleria , un gruppu chjamatu i Giovannali s'adduniva pà cambià a sucità di l'ebica, indu u soldu n'era a surghjenti , in una sucità di spartera è di missa in cumunu di i bé. Suvitati dà mori, diventani subitu una vera minaccia pà u puteri in piazza. A riprissioni di i Giovannali hé allora in marchja... Si dicia d'eddi ch'eddi cridiani in u diavuli...So scummunicati é ancu tombi... I tempi ani scambiatu ,mà ,avà dinò , quandu ghjenti s'addunisciani pà sbarrazzà a noscia terra di i so peghji nimichi , a paura ripiglia u di sopra ... Senza fà u paragonu trà Leia é i Giovannali, si vedi quantunqua , chi , quandu un si piglia a listessa strada cha tutti , quandu si metti in varda dicendu " attinzioni ! I nosci valori corsi morani pianu pianu ! Ci rinighemu ! Pirdimu a noscia identità ! I nosci nimichi d'arimani sò sempri vivi ! ",cume tandu, veni u tremu à certi pulitichanti è à i so suldati. Cume tandu, a paura facci taccia à certi chi pinsariani come no . Si hà a vargogna di sparta l'idei di i Ribeddi ! É a verità laca pocu à pocu a piazza à i buccii... No , Leia Naziunali, semu eredi di stu populu corsu chi s'hé sempri pisatu contr'à l'upprissioni di u statu francesu é i so suldati. a culunisazioni é l'invazioni di ghjenta frustera chi vularia impona à so manera di campà o di prigà !
Saremi sempri stu muru fattu d'omi é di donni chi tenani caru a so terra é chi sarani sempri pronti à alzassi pà difendila fin'à a morti !! Chjametici puri " fascisti " o " razisti " a voscia paura hé a noscia forza ! Un capiaremu mai di cumbattà i nimichi di a noscia terra di Corsica é di i So valori : a libertà , a lingua , a feda in Diu,uSignori ,a Madonna é i Santi !
Sé vo pinseti come no ,detivi curaghju di briunala altu é forti ! Seti l'eredi di un populu libaru é ribeddu , un pudeti laca a rimigna crescia nant'à noscia terra !!