BON' DI, BON' ANNU E BON CAPU D'ANNU !


In sta vighjiglia d'un'annata nova , LEIA NAZIUNALI, pregha à tutt'u populu corsu a Paci , a Saluta é a Prusperità ! Chi u 2017 sii beddu megliu , mà micca peghju com' eddu si dici , cha l'annu scorsu , pà a noscia terra é u nosciu populu !

Chi un'alba nova s'alzessi à l'urizonti , pà musciassi a strada di l'indipendenza !

Chi l'unità di a noscia nazioni corsa sii leghji !

Un ci scurderemu di prighà a libertà à tutt'i nosci patriotti incarcirati pà vià di l'inghjustizia francesa , à Adrien è à Julien di u gruppu di suppurtarii di u SCB Bastia 1905 !

A lotta naziunali devi crescia ! A noscia diterminazioni à un piighà davant'à a Francia, devi essa piu forti ! Ripiglaremu i parolli di Pasquali Paoli " Strada dritta é cori in frontu !"

E po , pà compia l'annu vechju ,andaremu à ghjempia i nosci ghjesgi u 31 di dicembri pà " u Ringraziamentu " !

BON' DI BON' ANNU E BON CAPU D'ANNU ! PACI E SALUTA PÀ TUTTU L'ANNU !