Bon Natale à Tutti !


Se in ogni paesi in lu mondu Natali hè fistighjatu cù grandi lumi accesi in li cità, ghjaddichi tutti frisgiulati è Babbu Natali , indè no in Corsica , Natali hè , sopratuttu, u ghjornu santu di a nascità di u nosciu Signori . Ghjornu d'allegria è di spartera chi, oghji , perdi pocu à pocu à so identità cristiana pà divintà , comu in Francia , una festa classica indù si facci i ragali à i so figlioli , purtati dà u Babbu Natali à mezanotti

Mà , rivultemu un pocu in daretu, à l'ebica indù i nosci vechji sapiani a valori cristiana , è u fistighjavani in lu rispettu di i nosci tradizioni corsi .

Tandu , pà accendà u focu di Natali in casa , si pigliava i dui più grossi ceppi , po si mittia tanti pezzi di legni ch'eddu ci era membri in la famiglia . Attinzioni à un sminticassini unu chi vulia di ch'eddu avia dà mora in l'annata nova !

Quandu sunnava l'AVE MARIA à 7 ori di sera , a famiglia sana s'addunia davanti à u focu di u sciaminè pà dumandà i grazià Diu , era u più ghjovanu di a famiglia chi cumminciava . Ci vulia hà fà brusgià trè pianti o brachi d'arburi salvatichi ,in fora di a scopa , chi avia traditu u nosciu Signori dicendu à i suldati rumani ch'eddu s'era piattatu daretu à l'albitru . Pà punisciala , u nosciu Signori l'hà impirita di dà frutti , fiurisci solu.

A a tolla , ripasti in grandi!! prisuttu, coppa, è po l'agneddu arrustittu cù a pulenta di granu , frumagliu , brocciu è un citrò à i ziteddi !

Mai ùn si sminticava di metta un piattu in più in tolla " u piattu di u puvarettu "

Mà , duranti sta nuttata di Natali , prima ch'eddi cumpiissani di sunnà i 12 chjochi di mezanotti, si davani " l'incantesimi " , i famosi prigheri pà caccià un gattivu ocghji o altri malatii

Avà , v'aghju dà di un sicretu ...zitti è muti !!

A sapeti chi animalu hà purtatu a noscia Santa Verghjina Marià fin'à u prisepiu pà apparturiscia ? Era u nosciu picculu sameri corsu chi s'era persu marchjendu !

Pà ringrazialu , Diu l'hà fattu una croci annantu à u spinu .

Mà , mi dicciareti è Babbu Natali ? la bûche glacée et la dinde aux marrons ?? Un sò scalati indè no cha beddu dopu à a guerra di u 45 versu u 60 !

Allora , cust'annu pà Natali , femu una scumissa , vuleti bè

Sciglimucci una di i nosci antichi tradizioni è femula !

Ripigliemu u nosciu veru Natali cristianu è laghemu dà cantu u Natali laicu vinutu di Francia !

A voi tutti , Leia Naziunali prega un bon Natale, colmu di gioia è d'allegria !