I militanti di LEIA NAZIUNALE si sò ritrovi ind'a capella Santa Croce di Corti, per a festa di l'Immaculata Cuncezzione è di a Nazione corsa. A messa secondu a "forma strurdinaria di u ritu rumanu" ( in latinu ) hè stata celebrata da u prete Mercury. Sta ceremunia simbulizzeghja a leia indissolubile tra Nazione, Tradizione è Riligione ( cume fede, cultura, civilisatione ). 280 anni fà, a Corsica Nazione si piazzava sott'a prutezzione di a vergine Maria, affirmendu à u mondu sanu a so catolicità eterna. U cantu mariale "Diu vi salve regina" fù sceltu cume innu naziunale. Un s'hè rotu u filu di a storia è ghjè sottu u segnu di a Tradizione chì oghje sempre u populu corsu "face nazione". Di pettu à u niilisimu di u mondu mudernu è post mudernu , ghjè in sè stessu è ind'e so radiche cristiane ch'issu populu troverà e forze d'affruntà e sfide tamante di l'avvene, per una sorte degna di a so gloriosa eredità !
IMMACULATA CUNCEZZIONE, NAZIONE, TRADIZIONE, CORSICA CRISTIANA,PER SEMPRE !