top of page

L'Islam in cunferanza !

Un'interressantissima cunferanza annant'a l'Islam ( sunnita ) è u Coranu hè stata prisentata stu sabatu 29 d'uttobre in Ponte Leccia da l'avucatu Ghjilormu Mondoloni, in prisenza di u so fratellu, u prete Ghjuvan'Claudiu Mondoloni. Eccu un riassuntu di sta cunferanza .

Eri sera, inda casa cumunale di Ponte Leccia, u notu avucatu Ghjlormu Mondoloni a datu una cunferenza nant’a u Coranu. Schjarìciò ch’ellu è veramente u Coranu era necessariu, vistu u sviluppu di l’islamismu in Europa, e i rimusci chi ne sò risultati e a quistione di u postu di ssa religione indi nostri paesi.

L’oratore mustrò, in primu locu, ch’ellu si deve, aldilà di tutti i rami, cusì diversi, e spessu nemici tra di elli -wahabiti, salafisti, fratelli musulmani, daech, e via di seguitu- ricullà a u fundamentu cumunu a tutti : u Coranu.

Chi ghjè u Coranu ? Anzi tuttu, un libru sacru, scrittu in una lingua sacra, prima di tuttu u Creatu, da Allah stessu, e scesu direttamente da u celu in terra, senza interventu d’un ispirazione umana - Magumettu essendu solamente u Prufeta chi riavì a Rivelazione, cu a missione di sparghjela indu mondu sanu. Stu libru sacru un soffre alcun’ interpretazione – a differenza di i Vangeli- ma deve esse presu secondu a lettera.

Per dipiù impone a so legge (a Sciarià) non solamente a tutti l’omi, ma a tutta l’attività umana, ch’ellu regge fin’a l’ultimi particulari. Una teocrazia perfetta, dunque, chi un cuncede alcun’autonomia a i so suggetti. Incuncepibile è per ellu u « Date a Cesare ciò chi è a Cesare, e a Diu ciò chi è a Diu. »

SSu carattere basteria a rende impussibile u dialogu cu u cristianismu (o cu una qualunque filosofia). Per dipiù un si pò sapè cun quale si puderia ragiunà, ghjacchi l’islamismu un hà un capu unicu, cum’e a chjesa catolica, chi possa decide, quandu u sensu d’una « surata » è incertu, di u so veru significatu. Ogni Imam capisce a « surata » a modu soiu. Cusì Daech, per esempiu, un pò esse accusatu d’eresia, e dunque cundannatu. Un’altra caratteristica di u Coranu è chi, u libru essendu statu scrittu a epuche diverse, a parolla più récente è riputata sguasà a parolla più antiqua. Cusì e cuntradizioni sò cancellate. E e « surate » più recenti vanu sempre crescendu in viulenza, dipendenti ch’elle sò da u cuntestu storicu chi li ha datu nascita, vale a dì scritte quandu u trionfu di u Prufeta era assicuratu.

Infine, u Coranu predica a cunquista armata. I so seguaci sò disposti in ordine ghjerarchicu, e i cumbattenti sò fra i primi, ghjustu dopu a l’Imami. A elli, i cumbattenti, tocca a riduce « l’infedeli » a u statu di « dimmitudine ».

Tale è u Coranu. In riassuntu, un c’è alcuna pussibilità d’accordu tra u mondu occidentale, cristianu o no, e u mondu islamicu. Quelli chi pensanu chi l’Islamu si possa dissolve inda Republica, s’ingannanu e accetanu diggià a so futura schiavitù. Sia ringraziatu l’avucatu Mondoloni d’avecci spiegatu a vera natura di u Coranu, e avertiti di u periculu chi ci minaccia.

D'altre cunferanze sò previste per tutta a Corsica ind'i mesi à vene . U testu serà publicatu. LEIA NAZIUNALE chjama tutti i Corsi à piglià cuniscenza di stu travaglione prupostu da u sgiò Mondoloni.

bottom of page