A a chjama di l'associu Aiutu Paisanu, parechje decine di patriotti eranu cuncolti stu sabatu a mane in Ponte Novu, da sustene Eric Marras è Felice Benedetti, dui militanti naziunali casticati da l'inghjustizia francese. Centinaie di stampini sò stati sparti à l'automobilisti , per ramintà a u populu e cundizione "d'esiliu furzatu" imposte à ssi travagliadori corsi unesti è sinceri, senza scurdassi di tutti l'altri patriotti incarcerati o ricercati, A mubilisazione s'hè compia da un spuntinu pigliatu sopra locu.
Un pianta a lotta annant'a l'avicinamentu è a liberazione di i prighjuneri pulitichi corsi. Più chè mai, tocc'à ogni corsu, à ogni stuttura patriòttica à rinfurzà a mossa unitaria pè difende u nostru sangue culpitu da l'esiliu è da a carcera. Hè ora di u ritornu, per tutti i figlioli di sta terra serrati ind'e cèllule di i francesi.
LIBERTA PER I PATRIOTTI !
