A mezu à u populu, à fianc'à i prighjuneri pulitichi !


Milliaie di Corsi anu sfilatu stu sàbatu 24 di settembre in Aiacciu da sustene a causa naziunale maiò di i prighjuneri pulitichi .Cù u successu di sta mubilisazione unitaria urganizata da l'associu Sulidarità, prova hè stata fatta di a determinazione di u populu corsu à strappà a u statu francese l'avvicinamentu, a liberazione è l'amnistia di i so figlioli incarcerati "per avè pensatu corsu". hè sempre vivu u stintu naziunale, hè sempre viva a capacità di i corsi à aduniscesi à fianc'à i soi perseguitati da un nemicu furbacciu, senza parolla ne dignità.

In seguita à a manifestazione , i simpatizzanti di a LEIA NAZIUNALE si sò ritrovi in u rughjone aiaccinu per une riunione d'infurmazione, di dibatti è di furmazione pulitica. Sò stati trattati i temi di a culunisazione di populamentu, e radiche ideulugiche è i scopi di a pulitica francese d'immigrazione di massa, u salafismu è i liami stretti tra a rippublica francese è i regimi islamisti di u golfu persicu ( Qatar, Arabia saudita ), a cumplicità tra e strutture etatiche francese è i "fratelli musulmani".

i militanti di a LEIA NAZIUNALE anu ramintatu chi u ricusu di l'immigrazione di massa ùn pò esse disghjuntu di una lotta glubale cuntr'a u sistema capitalista , l'egenumunìa di e legge di u mercatu è a dittatura ideulugica liberale. A lotta cuntr'a a culunisazione di populamentu s'appoghja annant'a una duttrina naziunale è tradiziunale sputica purtantu e risistenze oghjinche.

I participanti anu ascultatu u testimoniu di a famiglia di Carl'Antò Casanova, merre di Guargalè smaritu tragicamente un mese fà. U sgiò Casanova avia pigliatu pusizione curaghjose annant'a certi sughjetti "sucietali" ( immigrazione, "matrimoniu per tutti") è i so vicini sò oghje sempre vittime di minaccie è d'offese. LEIA NAZIUNALE si tenerà à fianc'à sta famiglia corsa degna è sincera .

Inde i mesi à vene, parechji prughjetti in giru à a sulidarità trà di"i nostri" anu da esse mess'in ballu da LEIA NAZIUNALE. Un pianta mai a lotta !