Nu i mesi scorsi, prova hè stata fatta di a capacità di riazzione in l'addunite sulidarie di u populu corsu. Di fronte à l'attachi, i corsi si sò pisati , di manera diterminata è cusciente, senza mai accità l'inghjustizia ma sempre incù una vuluntà di pace è di dialogu . A risposta di u statu francese ferma indegna di una nazione civilizzata . Un piantanu a ripressione è u razzisimu istituziunale è mediaticu cuntr'à i corsi, "culpevuli" di vulè campà in omi libari .
LEIA NAZIUNALE chjama i nostri cumpatriotti à dà forza à stu spiritu corsu mossu per a ghjustizia è à mubilizzassi :
- u 15 di settembre per sustene i sischesi accusati davanti à u tribunale di Bastia.
- u 24 di settembre in Aiacciu , in favore di i prighjuneri pulitichi, per a liberazione è l'amnistia di tutti i nostri fratelli incarcerati " per avè pensatu corsu" . Più chè mai l'unità hè nostra forza !
Un populu unitu ùn serà mai vintu !