À l'incontru di u populu

Sta dumenica i militanti di Leia Naziunale sò andati à l'incontru di u populu davanti à u stadiu Armand Cersari in Furiani, nanzu u scontru di ballò SCB- OM. Parechje millaie di stampini spiegendu a dimarchja di u muvimentu sò state distribuite. Per sta bella ghjurnata di vittoria, emu pussutu sviluppà u dialogu è u cunfrontu d'idea incù i numarosi sustenitori di a squadra turchina, fà cunosce e nostre pusizione annant'a quistione di sucietà chi inchietanu i corsi in giru à una visione naziunale è catolica di a Corsica di dumane.

Più che mai Corsica Cristiana – Leia Naziunale chjama à l'unità di u nostru populu daretu à l'idea corsa è a custruzzione di una nazione libera è suvrana.